Elordalyq eriktiler qarttardyń aýlasyndaǵy qaryn kúrep berdi

<p>ASTANA. KAZINFORM &mdash; Sońǵy kúnderi qalada qalyp qar jaýyp, kommýnaldyq qyzmet kúsheıtilgen rejımde jumys isteýde. Jeke sektordaǵy egde jastaǵy turǵyndarǵa úıdiń aýmaǵyn óz betinshe tazalaý ońaı emes. Bul rette elorda eriktileri &laquo;Qaıyrymdylyq ister&raquo; marafony aıasynda zeınetkerler úıiniń aýlasynda qar kúreý aktsııasyn jalǵastyrdy.</p>

Búgin elordalyq jastar Saryarqa aýdany turǵyndarynyń úıine baryp, aýmaqty qardan tazartýǵa kómektesti.

Jyl basynan beri aktsııa aıasynda qalanyń barlyq aýdandary boıynsha jalǵyzbasty ata-ájelerdiń 40-tan asa jeke aýlasynda qar kúreldi.

Eriktilerdiń jumysy týraly qala turǵyny Sanat Musabekov pikir bildirdi.

Foto: Astana ákimdigi

«Jastardyń zeınetkerlerimizge kómektesip jatqanyn kórip, marqaıyp qaldyq. Bul óz kezeginde basqa adamdarǵa úlgi bolady. Sondyqtan aǵam ekeýmiz de aýlany qardan tazartýǵa kómektesetin jaqyndary joq kórshilerimizge qol ushyn berýge tyrysamyz», — dedi Sanat.

Qaıyrymdylyq aktsııasy jalpy qala mádenıetine de áser etedi.

Foto: Astana ákimdigi

Eshteńege beı-jaı qaramaıtyn turǵyndar ıgi iske qosylyp jatyr. 

Kez kelgen adam eriktilerdiń qataryn tolyqtyra alady.

Ol úshin «Astana Jastary» jastar resýrstyq ortalyǵynyń Instagram akkaýntyna habarlama jazý kerek.

«Qaıyrymdylyq ister marafony» aktsııasy aıasynda sizder bizdiń qatarymyzdy tolyqtyryp, erikti bola alasyzdar. Qazaqstannyń bolashaǵy jastardyń qolynda ekenin este saqtańyz», — dedi astanalyq jastar.

Foto: Astana ákimdigi