ASTANA. KAZINFORM — Qazirgi bessaıystan Astana qalasynyń sportshylary Túrkııanyń Ankara qalasynda ótken álem kýbogi kezeńinde komandalyq jarysta altyn medal jeńip aldy. Olar aralas estafetada óner kórsetip, jeńis tuǵyrynan kórindi.
Astana qalalyq sport basqarmasynyń baspasóz qyzmeti atap ótkendeı, álem kýbogynda Qazaqstan namysyn Astana qalasynyń sportshylary Pavel Ilıashenko men Elena Potapenko qorǵady.
Foto: Astana sport basqarmasyEkinshi orynda Egıpet, úshinshi orynda Italııa quramasy ornalasty.
Eske salsaq, Elena Potapenko bıylǵy Parıj Olımpıadasynda óner kórsetýge múmkindik alǵan bolatyn.
Ol 2023 jyly Hanchjoýda ótken Azııa oıyndarynda áıelder arasyndaǵy qazirgi bessaıystan jeke jarysta 5-oryndy ıelengen edi.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.