Elordaǵa jasyl dáliz arqyly júk kólikteri qalaı ótedi

NUR-SULTAN. QazAqparat. Nur-Sultan qalasy arqyly jáne kirý/shyǵý úshin júk tasıtyn kólik júrgizýshileri post.iqala.kz saıtynda baqylaý-ótkizý pýnktinen kedergisiz ótýge ótinish bere alady, dep habarlaıdy QazAqparat qala ákiminiń orynbasary Málıka Bekturovaǵa silteme jasap.

«Tótenshe jaǵdaı kezinde elordany azyq-túlik jáne azyq-túlik emes taýarlarmen úzdiksiz qamtamasyz etý úshin «Jasyl dáliz» quryldy.
Endi Nur-Sultan qalasy arqyly jáne kirý/shyǵý úshin júk tasıtyn kólik júrgizýshileri post.iqala.kz saıtynda baqylaý-ótkizý pýnktinen kedergisiz ótýge ótinish bere alady. Júrýine arnalǵan ótinim tikeleı «Sergek: baqylaý-ótkizý pýnkti» qosymshasyna kiredi. Júk mashınasynyń júrgizýshisi saıtqa kirip, kirý / shyǵý derekteri, kólik quralynyń nómiri, JSN, tasymaldanatyn taýardyń ataýy, olardyń sany jáne marshrýttyń ózi kórsetilgen ótinish toltyrý qajet», dep jazdy Málıka Bekturovaǵa Telegram-daǵy paraqshasynda.
Onyń aıtýynsha, ótinimdi berý úshin ETsQ jáne basqa da elementter qajet emes. Bul tek Nur Sultan qalasyna qatysty.
«Bul ádis bıýrokratııalyq kedergilerge kóp ýaqytty qysqartady, baqylaý-ótkizý pýnkterinde derekterdi qolmen toltyrý qajet emes. Osylaısha, adam men adamnyń tikeleı baılanysy is júzinde nólge teń, bul pandemııa jaǵdaıynda óte mańyzdy. Elordaǵa qandaı taýarlar jáne qansha ákelinetini týraly málimetter birden qalanyń bas shtabynyń derekqoryna túsedi»,, delingen jazbada.
Aıtta keterlshigi, saıtty shamadan tys júktemelerden jáne DDOS shabýyldan qorǵaý úshin, captcha qoıylǵan. Ótinish berýshi áripter men sandardy engizedi, osylaısha ol bot emes ekendigin rastaıdy.