Elordaǵa QazVac vaktsınasynyń 10 myń dozasy jetkizildi

NUR-SULTAN. QazAqparat - Nur-Sultan qalasynyń qoǵamdyq densaýlyq saqtaý basqarmasynyń qoımasyna otandyq vaktsınanyń 10 myń dozasy jetkizildi, dep habarlaıdy QazAqparat ákimdiktiń saıtyna silteme jasap.

Qazaqstandyq QazVac vaktsınasy birinshi komponentiniń 5 myń dozasy, ekinshisiniń 5 000 dozasy qalalyq emhanalarǵa, saýda oıyn-saýyq ortalyqtary men saýda úılerine bólindi.

Sondaı-aq otandyq preparatty «Medıker Astana» JShS, «Medıker pedıatrııa», «otbasylyq dárigerler klınıkasy», UMC korporatıvtik qory oryndarynan alýǵa bolady.

«Jergilikti vaktsına birazdan beri bolǵan joq. Jurttyń bir bóligi bul vaktsınanyń túsýin kútip júrdi, endi ol qolymyzǵa tústi. Aıta keteıik, vaktsınalar QR Densaýlyq saqtaý mınıstrligi SK-Farmatsııamen birlesken buıryǵy men kestesine sáıkes taratylady. 10 myń doza tizim boıynsha qolda bar vaktsınatsııalaý pýnktterine úlestiriledi. Búgin-erteń egý pýnktilerine jetkizilýi tıis», - dedi qoǵamdyq densaýlyq saqtaý basqarmasy.

Basqarma ekinshi komponentti alýda qıyndyq boldyrmas úshin azamattardan múmkindiginshe bir jerden alýdy, ıaǵnı eki komponentti de vaktsınatsııanyń bir pýnktinde alýdy suraıdy.

«Birinshi komponentti bir pýnktten, ekinshisin múldem basqa pýnkten alýǵa kelgender boldy. Biz qala turǵyndarynan tıisti ýaqytty saqtaı otyryp, bir pýnktte vaktsına alýdy suraımyz», - dep tolyqtyrdy basqarma.

Qazirgi ýaqytta elordada vaktsınanyń eki túri bar: reseılik «Spýtnık» jáne qazaqstandyq «QazVac».