Elordaǵa Iran Prezıdenti Ibrahım Raısı ushyp keldi

ASTANA. QazAqparat - Iran Islam Respýblıkasynyń Prezıdenti Ibrahım Raısı Azııadaǵy ózara is-qımyl jáne senim sharalary jónindegi keńestiń VI sammıtine qatysý úshin Astanaǵa keldi. Elorda áýejaıynda ony QR Premer-Mınıstri Álıhan Smaıylov qarsy aldy. QazAqparat bul týraly QR Úkimeti basshysynyń baspasóz qyzmetine silteme jasap habarlaıdy.

AÓSShK sammıti Astanada 12-13 qazanda ótedi. Bul pandemııadan keıingi óńirdegi eń aýqymdy saıası oqıǵalardyń biri bolady dep kútilýde. Іs-sharaǵa Qazaqstan, Ázerbaıjan, Irak, Iran, Katar, Qyrǵyzstan, Palestına, Reseı, Tájikstan, Túrkııa jáne Ózbekstan basshylary, Vetnam vıtse-prezıdenti jáne QHR Tóraǵasynyń orynbasary qatysady. Sondaı-aq sammıtke baqylaýshy memleket – Belarýstiń prezıdenti qatysady.

Foto: t.me/KZgovernment