Elordaǵa azyq-túlik kedergisiz jetkizilip jatyr – ákimdik

NUR-SULTAN. QazAqparat – Elordada nan baǵasy 95 myń teńgeden kóterilýmeýi tıis. Bul týraly Ortalyq kommýnıkatsııalar qyzmetindegi brıfıngide Nur-Sultan qalalyq ınvestıtsııalar jáne kásipkerlikti damytý basqarmasynyń basshysy Erlan Bekmyrzaev aıtty, dep habarlaıdy QazAqparat tilshisi.

«Búginde qalada 18 myń tonna azyq-túlik taýarynyń qory bar. Bul shamamen bir aılyq tutyný normasyn quraıdy. Sonymen qatar bir óńirlermen jáne sharýa qojalyqtarmen azyq-túlik ónimderin qalaǵa tikeleı jetkizýge ýaǵdalastyq. Kókónis túrlerine qatysty áleýmettik kásipkerlik korporatsııalarmen jáne jetkizýshilermen ýaǵdalastyq bar. Oǵan qosymsha 1 mlrd teńge bólingen. 1 qazanǵa deıin baǵa turaqty bolady. Ol shamamen 14 myń tonna kókónisti quraıdy», - dedi ol.

Basqarma basshysynyń atap ótýinshe, ótken jyly elordaǵa 8 myń tonna un satyp alynǵan. Bul qala halqyn 1 jyl nanmen qamtamasyz etýge jetkilikti. Bul rette nan baǵasyn 95 teńgeden kóterilmeýi tıis.

«Azyq-túlik qalaǵa kedergisiz jetkizilip jatyr. Azyq-túlik tıelgen júk, eń birinshi qajetti taýarlar tıelgen kólikter úshin jasyl dáliz qamtamasyz etilgen. Blok beketterde taýardyń ilespe qujaty, baǵdar paraǵy, júrgizýshi men ekspedıtordń densaýlyǵy tekseriletin bolady. Jetkizýshiler algorıtmi mynadaı – kólik qoımaǵa deıin baryp, júkti túsirgennen keıin birden shyǵyp ketedi. Baǵdardan qıys ketýge bolmaıdy. Árbúr júk onlaın rejimde qadaǵalanyp otyrady. Ol úshin Sergek kamerasymen yqpaldastyrylǵan «Blok bekeft» mobıldi qosymshasy iske qosylǵan», - dedi basqarma basshysy.