Elordaǵa Astana ataýy qaıtarylýyn qoldaımyn - Ibragım Eskendir

ALMATY. QazAqparat - Ánshi Ibragım Eskendir elordaǵa Astana ataýyn qaıtarý týraly depýtattar usynysy Konstıtýtsııalyq zań jobasyna engizilgenine qatysty pikir bildirdi, dep habarlaıdy QazAqparat tilshisi.

Ánshiniń aıtýynsha, «Astana» — qulaqqa sińimdi, bala kúnnen estip ósken ataý.

«Degenmen, bala kúnnen Astana ataýyn estip óstik, balalyq shaǵymyz da osy qalada ótti. Qulaǵymyzǵa osy ataýdy sińirip óstik. Parlamenttegi depýtattar toby elordanyń burynǵy Astana ataýyn qaıtarý týraly usynys jasapty. Al depýtattardyń bastamasy Memleket basshysynyń kelisimimen Konstıtýtsııalyq zań jobasyna engizildi. Eger aldaǵy ýaqytta elordaǵa Astana ataýy qaıtarylsa, oǵan men qarsy bolmaımyn, qoldaımyn. Onda turǵan eshteńe joq»,- dedi Ibragım Eskendir.

Eske salaıyq, búgin májilis depýtattarynyń elordaǵa Astana ataýyn qaıtarý týraly usynysy Memleket basshysynyń kelisimimen Konstıtýtsııalyq zań jobasyna engizildi.