Elordadan Atbasar men Kókshetaý baǵytynda jańa jyldyq elektropoıyz jolǵa shyqty
Elektropoıyz aptasyna bes ret №6803/6804 «Astana-Atbasar» jáne №7507/7508 «Astana-Kókshetaý» baǵyttarynda qatynaıdy.
Bıylǵy jańa jyldyq elektropoıyzdyń syrtqy bezendirýi qar ushqyndary men Aıaz ata jáne Aqshaqardyń beınelerimen erekshelenedi. Vagondardyń ishki bóligi shyrsha oıynshyqtary, gırlıandalar jáne qar órnekterimen ásemdelip, jolaýshylarǵa merekelik kóńil kúı syılaıdy.
Balalar úshin arnaıy poshta jáshigi ornatylǵan. Onda olar óz tilekterin jazyp, Aıaz ataǵa hat jibere alady. Sondaı-aq, jolaýshylardyń jaılylyǵy úshin poıyzda jańa pisken nan-toqash, sýsyndar men táttilerdi qoljetimdi baǵamen usynatyn býfet qarastyrylǵan.
Elektropoıyz eki baǵytta uıymdastyrylǵan, bul merekelik sapardy múmkindiginshe kóp jolaýshyǵa qoljetimdi etedi. Atbasarǵa poıyz dúısenbi, beısenbi jáne juma kúnderi, al Kókshetaýǵa senbi jáne jeksenbi kúnderi qatynaıdy.
- Jóneltý Astanadaǵy Nurly jol jáne Astana-1 vokzaldarynan júzege asyrylady. Bıletterdi bilet.railways.kz saıtynan nemese vokzal kassalarynan satyp alýǵa bolady. Qosymsha aqparatty 1433 nómirine qońyraý shalý arqyly alýǵa bolady, - dedi «Jolaýshylar tasymaly» AQ baspasóz qyzmetinen.
Elimizdegi poıyzdarda qashan sapaly ınternet qosylatynyn jazǵan bolatynbyz.