Elordadaǵy JOO stýdentterine qaıyrymdylyq týraly dárister óktiziledi
Ekonomıst Oljas Qudaıbergenov, belgili jýrnalıst Bıbigúl Jeksenbaı, eriktiler qozǵalysynyń belsendisi Danara Saranova, «Bolashaq» korporatıvtik qorynyń dırektory Azamat Bojakov jáne amerıkandyq bıznesmen jáne metsenat Devıd Valera elordalyq joǵarǵy oqý oryndary stýdentterine arnalǵan dáristerge spıker retinde qatysady.
Dárister qazan aıynda ZOOM alańynda onlaın formatta uıymdastyrylady, dep habarlady «Arnaý» Damý ortalyǵy» qoǵamdyq birlestiginiń baspasóz qyzmeti.
Spıkerler qaıyrymdylyq kórsetýdiń jeke tájirıbesi týraly aıtyp, elimizdegi qaıyrymdylyqty damytý perspektıvalary týraly pikirlerimen bólisedi, salany damytýdyń negizgi trendterine sıpattama beredi, sondaı-aq Qazaqstanda metsenattyqty yntalandyrý úshin óz usynystaryn aıtady.
AQSh/Qazaqstan Saýda keńesiniń prezıdenti Devıd Valera AQSh-ta qaıyrymdylyq jáne metsenattyq mádenıetti tanymal etýdiń negizgi aspektilerin ashady, sondaı-aq amerıkanlyqtar arasynda qandaı da bir áleýmettik jobalar keń qoldaý tabatyny týraly áńgimeleıdi.
Barlyq dárister prezentatsııa túrinde kórneki materıaldarmen súıemeldenedi.
«Stýdentterge jobany júzege asyrý barysy men qaıyrymdylyqpen aınalysýdyń áleýmettik mańyzy týraly arnaıy daıyndalǵan rolıkter kórsetiledi. Sonymen qatar, qaıyrymdylyq týraly arnaıy saıtta ornalastyrylǵan aqparattyq materıaldarmen tanysý múmkindigi usynylady», – dep habarlady uıymdastyrýshylar.
Qatar dárister Qazaqstan Respýblıkasy Aqparat jáne qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ granty aıasynda júzege asyrylatyn «Jastar men balalar arasynda qaıyrymdylyqty dáripteý» áleýmettik jobasy sheńberinde ótkiziledi.