Elordadaǵy jol qıylysynda bılegen er adam ustaldy

NUR-SULTAN. QazAqparat – Elordadaǵy Seıfýllın jáne Jangeldın kósheleriniń qıylysynda mas kúıde bılep, júrginshilerge kedergi keltirgen er adam ustaldy, dep habarlaıdy QazAqparat tilshisi.

Jol qıylysynda bı bılep, el nazaryn ózine aýdarǵan 33 jastaǵy jigit ekeni anyqtaldy. Onyń bul áreketi qıylystaǵy jol qozǵalysyn baqylaý úshin qoıylǵan beınekameraǵa túsip qalǵan.

«Elordanyń 33 jastaǵy turǵyny óz áreketimen jol qozǵalysy erejelerin buzyp, kólik quraldarynyń qozǵalysyna kedergi keltirdi. Mas bıshini patrýldik polıtsııa jasaǵy kelgenge deıin júrgizýshilerdiń biri jol jıeginde ustap turǵan. Tártip buzýshy polıtsııa basqarmasyna jetkizildi. Qoǵamdyq orynda mas júrgeni úshin jáne jaıaý júrginshilerdiń qozǵalys erejelerin buzǵany úshin ol Ákimshilik quqyq buzý týraly kodekstiń 615 jáne 440-baptary boıynsha ákimshilik jaýapkershilikke tartyldy», - dep jazady Nur-Sultan qalasy polıtsııa departamentiniń baspasóz qyzmeti.

Polıtsııa ókilderi qala turǵyndarynan osyǵan uqsas tártipsizdikterge kez bolsa, birden «102» nómirine habarlasýdy surap otyr.

Buǵan deıin astanadaǵy Kereı-Jánibek jáne Máńgilik El kósheleriniń qıylysynda boıjetken bı bılep, polıtsııa oǵan túsindirý jumystaryn júrgizgen bolatyn.