Elordadaǵy jaǵdaıdan keıin bankterge qaýipsizdik boıynsha usynymdar beriledi - mınıstr

ASTANA. QazAqparat - Elimizdegi bankterge qaýipsizdik boıynsha usynymdar beriledi, dep habarlaıdy QazAqparat tilshisi.

Kepilge alynǵan bank qyzmetkerleri bosatylǵannan keıin Іshki ister mınıstri Marat Ahmetjanov oqıǵanyń mán-jaıyn aıtyp, mundaı jaǵdaı qaıtalanbas úshin qandaı jumys júrgiziletinin jarııalady.

«Árıne, munyń bári eskeriledi. Tergeý barysynda búgingi oqıǵaǵa yqpal etken barlyq sebepter anyqtalady. Árıne, barlyq bankterge osyndaı oqıǵalardy boldyrmaý úshin usynymdar beriledi», - dedi mınıstr BAQ ókilderiniń saýalyna jaýap bere otyryp.

Eske salaıyq, elordadaǵy Kaspi banktiń ǵımaratynda qarýlanǵan er adam birneshe kisini kepilge alǵanyn habarlap edik.

Polıtsııa qyzmetkerleri kepilge alynǵan adamdardy bosatty.

Іshki ister mınıstri Marat Ahmetjanov qazir kúdiktige qatysty tergeý amaldary júrip jatqanyn málim etti.