Elordadaǵy týrnırde Dáýren Eleýsinovtiń kimmen jekpe jekke shyǵatyny anyqtaldy
Týrnırdi uıymdastyrýshy Zııa Álıev Instagram jelisindegi paraqshasynda qazaqstandyqtyń qarsylasy kim ekendigi týraly storıs jarııalady. Ol - Ázerbaıjan ókili Alı Mamedov. Dáýrenniń qarsylasy 13 jekpe-jekte jeńiske jetip, tórt jekpe-jekte súrindi. Al 2016 jyly taǵy bir qazaqstandyq boksshy Álı Ahmedovpen rıngte kezdesip, tehnıkalyq nokaýtpen jeńilgen bolatyn.
Týrnırde qazaqstandyq tanymal Ivan Dychko, Erjan Zalılov jáne Dáýrenniń aǵasy Danııar Eleýsinov te óner kórsetedi. Nur-Sultandaǵy boks keshi 18 jeltoqsanda bolady.
Eske salaıyq, Dáýren sońǵy jekpe-jegin 2021 jyly shildede Almatydaǵy boks keshinde ótkizgen bolatyn. Boksshynyń qarsylasy Arman Rysbek besinshi raýndta jekpe-jekti jalǵastyrýdan bas tartty. Osylaısha Dáýren Eleýsinov kásipqoı mansabyndaǵy toǵyzynshy jeńisine qol jetkizdi.