Elordadaǵy sý aıdyndaryna 160 myń shabaq jiberildi
08:38, 08 Qarasha 2019
NUR-SULTAN. QazAqparat – Elordadaǵy eki sý qoımasyn balyqtandyrý úshin onda aq amýr men tuqy shabaqtary jiberildi, dep habarlaıdy QazAqparat Elorda ınfoǵa silteme jasap.
«JasNur» MQKQ bıologııalyq ártúrlilikti saqtaý, ekologııalyq tepe-teńdikti qamtamasyz etý jáne sporttyq-áýesqoı balyq aýlaýdy damytý maqsatynda Astana men Qoıandy sý qoımalaryna balyqtar jiberdi.
Jiberilgen balyqtar arasynda aq amýr tek kásiptik qundylyǵymen ǵana emes, sonymen qatar bıologııalyq melıoratorlyq qasıetterimen de erekshelenedi. Barlyǵy 165 431 shabaq jiberildi.
Vıacheslav sý qoımasyna 58 054 tuqy men 57 968 aq amýr, Qoıandy sý qoımasyna 24 746 tuqy men 24 663 aq amýr qurtshabaqtary jiberildi.