Elordadaǵy statsıonarlardyń birinen KVI-dan sońǵy patsıent jazylyp shyqty
«Bir apta buryn 3 aýrýhana, atap aıtqanda: № 1 jáne 2 kópsalaly qalalyq balalar aýrýhanasy, № 2 kópsalaly aýrýhana josparly medıtsınalyq kómek kórsetýdi bastap ketken bolatyn. Taǵy bir statsıonardan keshe sońǵy patsıent jazylyp shyqty. Jaqyn kúnderi ortalyq óz patsıentterin josparly túrde qabyldaıdy. 3 tamyzdan bastap barlyq kalalyq emhanalar josparly medıtsınalyq kómek kórsetýdi bastaıdy. Tamyzdyń 17-ne deıin birtindep bosap jatqan statsıonarlar sanyn qysqartý esebinen (juqpaly aýrýhanadan basqa) barlyq aýrýhanalardyń tolyq jumys jasaýyn qamtamasyz etemiz», - dedi Altaı Kólginov Úkimet otyrysynda.
Áıtse de ákimniń aıtýynsha ınfektsııalyq jáne provızorly statsıonarlar qajet jaǵdaıda jetkilikti oryndarymen qaıta ashylýǵa daıyn bolady.
«Karantınnen keıingi indetpen kúresý is-sharalaryna kelsek, turǵyndar arasynda qatań karantın sharalaryn saqtaý qajettiligi týraly túsindirý qarqyndy júrgizilýde. Qoǵamdyq kólikke jáne halyq kóp jınalatyn obektilerge maskasyz júrgen adamdar jiberilmeıtin bolady. Adam kóp jınalatyn oryndarda, barlyq uıymdar men mekemelerde – ara-qashyqtyqty saqtaý syzbalaryn ornatý, dezınfektsııa jasaý, sanıtaızerler jáne eskertpe qoıý mindetti talap. Osy qarapaıym sanıtarlyq talaptar qatań túrde saqtalǵan jaǵdaıda ǵana, uzaq merzimge sozylý qaýpi bar indetti juqtyryp almaý múmkindigi barynsha arta túsedi», - dedi ol.