Elordadaǵy saılaý ýchaskelerinde jumys isteıtin 9 adamnan COVID-19 ınfektsııasy anyqtaldy
Qazirgi ýaqytta qalada 283 saılaý ýchaskesi ornalasqan. Elordanyń saılaý komıssııasynyń tóraǵasy Baqyt Bektemisovanyń aıtýynsha, saılaý ýchaskeleriniń bárinde sanıtarlyq qaýipsizdik sharalary qatań saqtalady.
«Saılaý protsesiniń barlyq qatysýshylary úshin bizde jeke qorǵanys quraldary qarastyrylǵan: maskalar, antıseptıkter, qolǵaptar. Adam kóp jınalmas úshin arnaıy shyǵý oryndary qarastyrylǵan. Komıssııa músheleri arnaıy ekranmen qorǵalady. Qorǵanysh áınegi bar aımaq baqylaýshylar, senimdi tulǵalar jáne BAQ ókilderi úshin de uıymdastyrylǵan. Daýys berý zalynda ár úsh saǵat saıyn sanıtarlyq óńdeý júrgiziledi. Sonymen qatar, QR Densaýlyq saqtaý mınıstrliginiń koronavırýs ınfektsııasy taralýynyń aldyn alý algorıtmine sáıkes, 2021 jylǵy 5-8 qańtar aralyǵynda elordada saılaý komıssııalarynyń múshelerine, senim bildirilgen tulǵalar men baqylaýshylarǵa PTR-testileý júrgiziledi. Búgingi tańda COVID-19 ınfektsııasy boıynsha 5386 adam tekserildi: saılaý komıssııalarynyń 2992 múshesi, 1823 baıqaýshy, 571 senimdi tulǵa. Tekserý qorytyndysy boıynsha, saılaý komıssııalarynyń 9 múshesinde PTR-testtiń oń nátıjesy anyqtaldy», — dedi Baqyt Bektemisova.
Esterińizge sala keteıik, elorda koronavırýstyń taralý qarqyny boıynsha «sary aımaqta» ornalasqan. Turǵyndar barlyq sharalardy, ıaǵnı betperde kıip, qashyqtyqty saqtaýy kerek.