Elordadaǵy saýda oıyn-saýyq ortalyqtaryna «jasyl» mártebesi barlar ǵana kire alady

NUR-SULTAN. QazAqparat - Elordanyń bas memlekettik sanıtarlyq dárigeriniń qaýlysyna sáıkes, 15 qarashadan bastap jumys kúnderi jáne demalys kúnderi SOO-ǵa «jasyl» mártebesi bar azamattar ǵana kire alady, dep habarlaıdy QazAqparat qala ákimdiginiń resmı saıtyna silteme jasap.

Saýda oıyn-saýyq ortalyqtary jumys kúnderi jáne demalys kúnderi qyzmetkerler men kelýshilerde qaýipsiz «jasyl» mártebe bolǵan jaǵdaıda, ıaǵnı turaqty medıtsınalyq qarsy kórsetilimderi bar adamdardy qospaǵanda, sońǵy 3 aı ishinde aýyryp jazylǵan synamalardy irikteý sátinen bastap 7 táýlikten aspaıtyn vaktsınatsııa, teris nátıjesi bar PTR test bolǵan jaǵdaıda jumys isteıtin bolady.

Mundaı sheshim SOO-da úı karantınin buzýshylardyń eń kóp sanyn tirkeýdi eskere otyryp, sondaı-aq elordada turaqty epıdemıologııalyq ahýaldy saqtaý jáne mereke kúnderi qarsańynda halyq arasynda COVID-19-dyń odan ári taralýynyń aldyn alý maqsatynda qabyldandy.

Elordanyń sanıtarlyq dárigeriniń qaýlysy búgin, 15 qarashada kúshine endi.