Elordadaǵy órt: Sáýle Aıtpaeva zardap shekken balalardyń jaǵdaıymen tanysty
21:16, 02 Mamyr 2019
NUR-SULTAN. QazAqparat - Qazaqstan Respýblıkasyndaǵy Bala quqyqtary jónindegi ýákil, senator Sáýle Aıtpaeva Nur-Sultandaǵy órt saldarynan zardap shekken balalarǵa baryp, jaǵdaıymen tanysty. Bul týraly QR Parlamenti Senatynyń baspasóz qyzmeti habarlady.
Tótenshe jaǵdaılar komıtetiniń málimeti boıynsha, 2 mamyr kúni saǵat 10.39-da Baıqońyr aýdanyndaǵy H. Dosmuhameduly kóshesinde ornalasqan bes qabatty jataqhana ǵımaratynda órt shyqty. Órtten zardap shekken 20 adamǵa dárigerlik kómek kórsetildi, olardyń ishinde 16 bala bar.
10 bala ambýlatorlyq em alyp, 6 bala aýrýhanada qalatyn boldy. «Balalar ata-analarymen birge aýrýhanada bolady jáne qajetti em alady», - dedi S. Aıtpaeva.