Elordadaǵy Q. Qýanyshbaev atyndaǵy teatrǵa jańa basshy taǵaıyndaldy

NUR-SULTAN. QazAqparat – Nur-Sultan qalasyndaǵy Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynyń jańa dırektory bolyp Aıbolat Jaýdyr taǵaıyndaldy, dep habarlaıdy QazAqparat.

Aıbolat Janǵalıuly - 1978 jyly Batys Qazaqstan oblysy, Jańaqala aýdany, Pıatımar sovhozy, Aqqus aýylynda dúnıege kelgen.

1995-1999 jyldar aralyǵynda M.Áýezov atyndaǵy Ońtústik Qazaqstan Memlekettik ýnıversıtetin «Menedjer jáne teatr ujymyn basqarýshy» mamandyǵy boıynsha bitirgen.

Eńbek jolyn 1999-2000 jyldary Oral qalasyndaǵy «TDK-42» telearnasynda redaktor qyzmetinde bastady.

2000-2006 jyldary Astana qalasynyń Q.Qýanyshbaev atyndaǵy Qazaq mýzykalyq drama teatrynda admınıstrator, bas admınıstrator.

2005-2007 jyldar aralyǵynda Qaraǵandy Ekonomıkalyq ýnıversıtetin «Zańger» mamandyǵy boıynsha támamdady.

2006 jyldan atalmysh teatrda dırektordyń kórermen jónindegi orynbasary; 2012 jyldan teatr dırektorynyń birinshi orynbasary; 2013 jyldyń 1 qarashasynan bastap, Astana qalasy ákimdiginiń «Jastar teatry» MKQK dırektory boldy.

2016-2019 jyldar aralyǵynda Qalıbek Qýanyshbaev atyndaǵy Memlekettik akademııalyq qazaq mýzykalyq drama teatrynyń dırektory.

2019-2022 jyldary M. Gorkıı atyndaǵy memlekettik akademııalyq orys drama teatrynyń dırektory qyzmetin atqardy.