Elordadaǵy iskerlik ortalyq: EKSPO nysandary qazir qalaı jumys istep tur

NUR-SULTAN. QazAqparat – Búgin Nur-Sultan qalasyndaǵy «Astana EKSPO -2017» halyqaralyq kórme nysandary aýmaǵynda BAQ ókilderine arnalǵan baspasóz týry uıymdastyryldy, dep habarlaıdy QazAqparat tilshisi.

«Astana EKSPO -2017» halyqaralyq kórme nysandaryn tıimdi paıdalaný úshin álem astanalarynyń tájirıbesi qaraldy. ıAǵnı, bizde bar resýrstar men múmkindikter saralandy. Búginde EXPO iskerlik ortalyǵy 25 ga jer aýmaǵyn qamtıdy jáne onda 15 nysan ornalasqan. Kórmeden keıin paıdalaný tujyrymdamasyn iske asyrý sheńberinde nysandardyń aýdany 75 myń sharty metrge ulǵaıtyldy, olardyń tolymdylyǵy búgingi kúni 98%-ǵa jetti, - dedi «QazExpoCongress» ulttyq kompanııasy AQ basqarma tóraǵasy Allen Sháıjúnisov baspasóz týrynda.

EXPO iskerlik ortalyǵy 2023 jyldan bastap tolyqtaı ózin-ózi qamtamasyz etedi dep josparlanyp otyr.

«QazExpoCongress» ulttyq kompanııasy basshysynyń aıtýynsha, iskerlik ortalyqtaǵy mańyzdy nysandarynyń biri, týrısterdi tartatyn orynǵa aınalǵan – «NUR ALEM» bolashaq energııasy murajaıy.

«2018 jyldan bastap murajaıda elimizdiń barlyq óńirleriniń qatysýymen 150-den astam oıyn-saýyq jáne bilim berý is-sharalary ótip, odan bólek, 500-den astam Kids&Students Future Energy ashyq sabaqtary uıymdastyryldy. Kórmeden keıingi kezeńde NUR ALEM-ge 800 myńnan astam adam keldi. Sheteldik týrısterdiń basym bóligi TMD elderi, Qytaı, AQSh, Germanııa, Italııa, Úndistan jáne taǵy basqa elderden keldi», - deıdi ol.

Odan bólek, ulttyq kompanııa saýda ınfraqurylymyn qurý boıynsha jumys júrgizýde. Onyń sheńberinde 4 transshekaralyq hab qurý josparlanyp otyr.

Olardy damytýdyń negizgi baǵyttary: óndiristik kooperatsııa, AÓK ónimderin qaıta óńdeý jáne saqtaý, tasymaldaý, transshekaralyq saýda, sondaı-aq qoımalaý jáne saqtaý.

Sondaı-aq, baspasóz týry barysynda bıyl 1 qańtardan bastap Máskeýdegi «Qazaqstan» saýda-kórme ortalyǵy «QazExpoCongress» ulttyq kompanııanyń balansyna qabyldanǵany aıtyldy.

Ondaǵy maqsat - qazaqstandyq taýarlardy Reseı naryǵynda ilgeriletý.

Buǵan deıin Allen Sháıjúnisov «Dýbaı EXPO – 2020» halyqaralyq kórmesinde Qazaqstan pavılonynyń qandaı bolatynyn aıtyp berdi.

Sol sekildi osy jyly EXPO iskerlik ortalyǵy aýmaǵynda «Tsıfrlyq úkimet» keńsesi ashylatyny habarlandy.