Elordadaǵy halyqaralyq týrnırdiń irikteý saıysynda 5 qazaqstandyq tennısshi oınaıdy

ASTANA. QazAqparat – Elordada ótetin ITF World Tennis Tour «BeeTV 40 Women's» týrnıriniń irikteý saıysynda bes qazaqstandyq tennısshi óner kórsetedi, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, elimizde áıelder arasynda ótetin alǵashqy iri jarystyń jerebesi tartyldy.

Jarysty uıymdastyrýshylar irikteý satysynda qazaqstandyq jas tennısshilerge arnaıy shaqyrtý (wild card) berip otyr. Dana Baıdáýlet bastapqy kezdesýin irikteý saıystarynyń birinshi raketkasy, reseılik Anastasııa Gasanovamen ótkizedi. Jýyrda ǵana eresekter arasynda Qazaqstan chempıony atanǵan 14 jasar Arıana Gogýlına Belarýs ókili ıÝlııa Gotovkomen, Albına Kákenova reseılik Ksenııa Laskýtovamen sheberlik talastyrady. Marııa Sınıtsyna men Janel Rústemova reseılikter Tatıana Prozorova, Ekaterına ıAshınamen kezdesedi.

Matchtar 27 aqpan kúni Ulttyq tennıs ortalyǵynda Astana ýaqytymen saǵat 10:00-de bastalady.

Eske sala keteıik, budan buryn Aleksandr Býblıktiń Frantsııadaǵy Marsel týrnıriniń fınalyna óte almaǵanyn jazǵan bolatynbyz.

Sondaı-aq, qazaqstandyq jas tennısshi Túrkııadaǵy týrnırdiń chempıony atandy.

Foto: Qazaqstan tennıs federatsııasy