Elordadaǵy Gýmanıtarlyq kolledj jekeshege beriledi
00:54, 30 Tamyz 2018
ASTANA. QazAqparat - Elordadaǵy «Gýmanıtarlyq kolledj» memlekettik qazynalyq kásiporny memlekettik-jekeshelik áriptestikke senimgerlik basqarýǵa beriledi, dep habarlaıdy qalalyq bilim basqarmasynyń saıtyna silteme jasap.
«Astana qalasynyń Bilim basqarmasy» MM atynan «Astana qalasynyń bilim basqarmasynyń «Gýmanıtarlyq kolledj» memlekettik qazynalyq kásipornyna senimgerlik basqarýǵa berý» joba boıynsha 2018 jylynyń 29 tamyzynda jekeshelik áriptes tańdaý boıynsha konkýrs jarııalady», delingen habarlamada.
Konkýrsqa Gýmanıtarlyq kolledjdiń jer telimi men sonda ornalasqan oqý korpýsy men jataqhanasy jáne qurylysy josparlanǵan 1 myń orynǵa shaqtalǵan jańa oqý korpýsy eki múlik nysany retinde belgilengen.
Qujattar 18 qyrkúıekke deıin qabyldanady. Konkýrsqa qatysty qosymsha aqparattardy «AstanaInvest» Qalalyq ınvestıtsııalardy damytý ortalyǵy» JShS-nan alýǵa bolady.