Elordadaǵy EXPO ortalyǵynda balalar taýarlarynyń jármeńkesi ótedi

NUR-SULTAN. QazAqparat - Elordada 17-21 tamyz kúnderi EXPO halyqaralyq kórme ortalyǵynyń alańynda alǵash ret balalar taýarlarynyń jármeńkesi ótedi, dep habarlaıdy QazAqparat Nur-Sultan ákimdiginiń resmı saıtyna silteme jasap.

Jármeńke taqyryby: bilim berý, hobbı, demalys, balalar mádenıeti (jýrnaldar, kitaptar jáne mýzyka), oıyndar álemi (oıynshyqtar, oıyndar jáne qoldan jasalǵan buıymdar), balalar sáni men kıimderi, kerek-jaraqtar men aksessýarlar jáne basqa da baǵyttar.
Málim etilgendeı, «Kids EXPO. Balalar álemi» jármeńkesi balalar taýarlary men qyzmeti naryǵyndaǵy kóshbasshylardy biriktiretin minsiz platforma.

Іs-sharaǵa qatysýdyń basty artyqshylyǵy – eksponentter men kelýshiler úshin arnaıy iskerlik jáne mádenı is-sharalar baǵdarlamasy uıymdastyrylady. Onda qazaqstandyq jáne halyqaralyq sarapshylarmen pikirtalas alańdary, oqytý trenıngteri men sheberlik sabaqtar, kontserttik baǵdarlama, balalar men mektep kıimderiniń kórsetilimderi uıymdastyrylady.

Jármeńkeni jyl saıyn ótkizý josparlanyp otyr. Tirkeýden ótýge jáne tolyq aqparatty myna silteme boıynsha alýǵa bolady: www.expokids.kz.

Sharany elorda ákimdiginiń qoldaýymen «QazExpoCongress» Ulttyq kompanııasy« aktsıonerlik qoǵamy uıymdastyrady.