Elordadaǵy eldi mekenderdi sýmen jabdyqtaý jelileriniń qurylysy júrip jatyr - Altaı Kólginov
«Elorda mańyndaǵy 16 eldi mekende shamamen 345 myń adam turady. Abattandyrý máselelerimen qatar júıeli máseleler de bar: elektr, sý, káriz, nóser, jylytý, áleýmettik nysandardyń qurylysy jáne t.b.
Memleket basshysynyń tapsyrmasyna sáıkes eldi mekenderdi júıeli túrde damytýdamyz. Máselen, turǵyn alaptardy 42 km sý qubyry, 17 km aryq, 11 km káriz, 3,2 km elektr jelisi jáne 680 km gaz qubyry jelilerin saldyq.
Eldi mekenderde 4 bilim berý nysanyn, 2 sport keshenin, 300 aýla men qoǵamdyq keńistik jáne uzyndyǵy 117 km-den asatyn 250 kósheni jóndep, saldyq, sonymen qatar 3,7 myń jaryqtandyrý tiregin ornattyq», - dep jazdy ákim.
Onyń aıtýynsha, bul jaı ǵana sandar emes, bul eldi mekenderde tynys-tirshilikti jaqsartýǵa múmkindik bergen úlken júıeli jumystardyń nátıjesi.
«Biraq, árıne, bul da jetkiliksiz. Eldi mekenderdi damytý boıynsha jumystardy áli de alǵastyrýdamyz. Kezdesýlerdiń birinde «Úrker» eldi mekeniniń turǵyndary «sol jaǵalaýdyń jaryǵyna tamsanamyz» degen bolatyn. Bizdiń maqsatymyz – shet aımaqtardy ómir súrýge qolaıly etý. Bul baǵyttaǵy jumystarymyzdy da júrgizýdemiz.
«Aǵash otyrǵyzý ýchaskesi» (LPÝ) eldi mekenine jeke toqtalyp ketsem. Bul eldi mekende 400-den astam adam turady. Kezdesýde sý máselesi kóterildi, óıtkeni bul eldi meken paıda bolǵaly turǵyndarǵa ortalyqtandyrylǵan sý qubyry tartylmaǵan. Turǵyndar sýdy tasýǵa májbúr, árıne, bul kóptegen qolaısyzdyqtardy týdyrady. Buǵan deıin jobany jasap, qazir ortalyq sý qubyry men káriz jelileriniń qurylysyn bastadyq», - delingen qalabasynyń jazbasynda.
Sonymen qatar, kelesi jyldan bastap atalǵan eldi mekendi gazdandyrý boıynsha jobany daıyndaý josparlanyp otyr. Sondaı-aq áleýmettik nysan (balabaqsha) salynbaq.
Kezdesýde basqa da birqatar máseleler qaraldy.
Foto: instagram.com/altay_kulginov_official