Elordadaǵy Dostyq úıinde qaıyrymdylyq ortalyǵy ashyldy
«Bul ortalyqtyń ereksheligi, munda biz muqtaj jandarǵa qarjylaı kómek bermeımiz. Biraq sol kómekti qalaı alýǵa bolatyn joldardy kórsetemiz. Máselen, jaqynda bizge bir ana keldi. Múgedektigine baılanysty eshqandaı jumysqa ornalasa almaı júr eken. Ol kelinshekti osy mekemedegi tigin kýrsyna shaqyryp, sonyń qyr-syryn úırettik. Nátıjesinde ol endi tapsyrystar qabyldap, tabys taba bastapty», - dedi Assambleıanyń Nur-Sultan qalalyq fılılaly hatshylyǵynyń meńgerýshisi Lázzat Qusaıynova.
Onyń aıtýynsha, qandaı da bir qıyndyqqa tap bolǵan azamat ortalyqqa kelip, keńes ala alady.
«Qazirgi zamanda kóp adamdar psıhologııalyq kómekke muqtaj. Streske jıi ushyraıdy, aınalasynan janashyr kózqaras izdeıdi, ózine nazar aýdarǵandy qalaıdy. Mundaı jandarǵa da barynsha járdem etkimiz keledi», - deıdi ol.
Aıta keteıik, búginde Dostyq úıinde áıelderdiń qolóner týyndylaryna arnalǵan «Analar amanaty» ortalyǵy jumys isteıdi. Onda kelýshiler túrli sheberlik synyptaryna tegin qatysa alady.
Aldaǵy ýaqytta mekeme janynan «Mámile» tildik kýrsy men kovorkıng ortalyq ashylmaq.