Elordadaǵy Botanıkalyq baq aýmaǵynda sport kesheni salyna ma

NUR-SULTAN. QazAqparat – Ulttyq tabıǵı saıabaqtardy lastaǵan jeke tulǵalarǵa qoldanylatyn jaza qanshalyqty kúsheıtilmek? Ortalyq kommýnıkatsııalar qyzmetinde ótken brıfıngide QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti tóraǵasynyń orynbasary Danııar Turǵanbaevqa osyndaı saýal qoıyldy, dep habarlaıdy QazAqparat tilshisi.

«372-bap boıynsha Ulttyq saıabaqtardy lastaǵan adamdarǵa 10 AEK (29 170 teńge – red.) kóleminde aıyppul qarastyrylǵan. Jazany kúsheıtý sharalarynan keıin onyń kólemi 20 AEK (58 340 teńge – red.) bolady. Al bir jyldyń ishinde qaıtalap zań buzatyn bolsa, jeke tulǵalar úshin aıyppul kólemi taǵy eki ese kóbeıedi», - dedi Orman sharýashylyǵy jáne janýarlar dúnıesi komıteti tóraǵasynyń orynbasary Danııar Turǵanbaev.

Condaı-aq, ol elordadaǵy Botanıkalyq baq aýmaǵynda sport keshenin salý máselesi qarastyrylyp jatpaǵanyn atady.

«Dál qazir ondaı másele kún tártibinde turǵan joq», - dedi mınıstrlik ókili.