Elordadaǵy Abu Dhabi Plaza kesheni jyl sońyna deıin paıdalanýǵa beriledi
21:33, 23 Maýsym 2020
NUR-SULTAN. QazAqparat - Astanadaǵy Abu Dhabi Plaza kópfýnktsıonaldy kesheni bıylǵy jyldyń sońyna qaraı paıdalanýǵa beriledi, dep habarlaıdy QazAqparat.
Bul týraly Nur-Sultan qalasynyń cáýlet, qala qurylysy jáne jer qatynastary basqarmasy málimet taratty.
Nysan Aqmeshit, Syǵanaq jáne Túrkistan kósheleriniń boıynda ornalasqan.
Jer kólemi - 4,4613 gektar.
«Abu Dhabi Plaza» - Orta Azııadaǵy munara tıpindegi eń iri keshen sanalady. Ol aýmaǵy 500 myń sharshy metrden asatyn bes ǵımarattan quralǵan.
Іshindegi eń bıik munaranyń uzyndyǵy - 311 metr, 75 qabattan turady.
Onda keńseler men turǵyn úı páterleri ornalasady.
«Nysan bıylǵy jyldyń sońynda paıdalanýǵa beriledi» dep málim etti basqarma.