Elordadaǵy tsehta 1200 sharshy metrdi sharpyǵan iri órt boldy

<p>ASTANA. KAZINFORM - Elordadaǵy jıhaz jasaıtyn tsehta iri órt boldy. Júzge jýyq órt sóndirýshi 18 arnaıy tehnıkany paıdalana otyryp, 2 saǵatqa jýyq arpalysyp, tilsiz jaýdyń oshaǵyn joıdy, dep habarlaıdy Astana qalasy TJD baspasóz qyzmeti.</p>

"23 qańtarda, tıisti habarlama túsken soń, saǵat 21:20-da Astana qalasy TJD órt sóndirý bólimsheleri Dúkenuly kóshesi, 31/11S mekenjaıynda bolyp jatqan órtti sóndirýge attandy.
Saǵat 21:26-da jıhaz jasaıtyn óndiristik tsehta, 1200 sh.m. alańda, jıhaz daıyndamalary, plastmassa jáne rezeńke-tehnıkalyq buıymdar janǵany anyqtaldy. Órt sóndirý shtaby uıymdastyryldy. Órt sóndirýshilerdiń jedel jáne úılesimdi áreketteri órttiń jaqyn mańdaǵy ǵımarattarǵa taralýyn boldyrmady. Órt sóndirýshilerdiń kúshimen saǵat 22:40-ta qyzyl jalyn oqshaýlanyp, saǵat 23:19-da joıyldy" delingen habarlamada.

Órtti sóndirýge elordalyq TJD jeke quramynyń 93 adamy men 18 birlik tehnıkasy, sondaı-aq apattar medıtsınasy ortalyǵynyń qyzmetkerleri jumyldyryldy.