Elordadaǵy statsıonarlarda úsh myńǵa jýyq adam qyzylshadan emdelip jatyr

<p>Astanada qyzylsha boıynsha epıdemıologııalyq jaǵdaı qazir turaqsyz. Turǵyndar arasynda syrqattanýshylyqtyń ósýi baıqalady. Bul týraly kommýnıkatsııalar qyzmetinde ótken brıfıngte Astana qalasy Qoǵamdyq densaýlyq saqtaý basqarmasy basshysynyń orynbasary Gúlnaz Dosmyrzaeva málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a> qalalyq ákimdiktiń <a href="https://www.gov.kz/memleket/entities/astana/press/news/details/670645?lang=kk" target="_blank" rel="noopener">resmı saıtyna</a> silteme jasap.&nbsp;</p>

Naýryzdan bastap qazirgi ýaqytqa deıin 2 977 patsıent qyzylshamen statsıonarlyq deńgeıde emdeldi, onyń 2 187-si – bala, 49-y – júkti áıel. 

«2023 jylǵy 13 jeltoqsandaǵy jaǵdaı boıynsha 290 patsıent statsıonarlyq emdelýde jatyr, onyń ishinde 214 bala, 10 júkti áıel bar. Búgingi tańda № 3 aýrýhana júktemesi 43% qurady. Qarasha aıynda barlyq emhanalarda 6 aıdan 10 aıǵa deıingi 29 kúndik balalarǵa jappaı qosymsha vaktsınatsııa bastaldy. Al 5 jeltoqsannan bastap 2-4 jastaǵy balalardy qyzylshaǵa qarsy vaktsınatsııalaý jumysy bastaldy», - dep eske saldy spıker.

Qalanyń barlyq medıtsınalyq uıymdarynda qyzylshaǵa qarsy vaktsına jetkilikti, deıdi basqarma ókili. Máselen, 2023 jylǵy 9 jeltoqsanda qalalyq densaýlyq saqtaý qoımasyna qyzylshaǵa qarsy vaktsınanyń 40 myń dozasy kelip tústi, olar BMSK-da razrıadqa sáıkes taratyldy.

«JRVI jáne qyzylshamen aýyratyn naýqastarǵa sapaly medıtsınalyq kómek kórsetý maqsatynda demalys jáne mereke kúnderin qosa alǵanda, súzgi kabınetteri saǵat 08.00-den 20.00-ge deıin jumys isteıdi. Vaktsınatsııa kabınetteri dúısenbiden senbige deıin saǵat 08.00-den 18.00-ge deıin jumys isteıdi.

Qurmetti elorda turǵyndary! Qosymsha vaktsınatsııa alý úshin naýqaspen baılanys bolǵan jaǵdaıda kez kelgen turǵyn turǵylyqty jeri boıynsha emhanaǵa júginýi tıis ekenin atap ótkim keledi», - dep eskertti Gúlnaz Dosmyrzaeva.