Elordadaǵy Saryarqa dańǵylynyń ýchaskesi ishinara jabylady

<p>ASTANA. KAZINFORM &ndash; Elordadaǵy Saryarqa dańǵyly boıynsha Shevchenko kóshesinen Bógenbaı batyr dańǵylyna deıingi ýchaskede merdiger uıym óz qarajaty esebinen asfaltbeton jabyny jóninde anyqtalǵan eskertýlerdi joıý sheńberinde jol jabynynyń joǵarǵy qabatyn aýystyrý jumystaryn júrgizedi.&nbsp;</p>

Astana ákimdigi resmı saıtynyń málimetinshe, jol jóndeý jumystaryna baılanysty, 13-16 tamyz aralyǵynda atalǵan ýchaskedegi Saryarqa dańǵyly ishinara jabylady.

Jumystar joldyń ishinara jabylýymen kezeń-kezeńmen júrgiziledi. Bul rette qıylystar ashyq bolady. 

Mekeme qala turǵyndary men qonaqtarynan joldaǵy keptelisti boldyrmaý maqsatynda óz marshrýttaryn aldyn ala josparlaýdy suraıdy. 

Eske sala keteıik, buǵan deıin LRT qurylysyna baılanysty Astanada birneshe kóshe jabylatynyn jazǵan edik.