Elordadaǵy qatty jel: Atyraýǵa ushqaly turǵan ushaq zaqymdandy
21:54, 08 Tamyz 2024
<p>ASTANA. KAZINFORM - Elordadaǵy qatty jelden Astana-Atyraý baǵytynda ushqaly turǵan ushaq zaqymdanyp, reıs keshiktirilýde, dep habarlaıdy Air Astana áýe kompanııasynyń baspasóz qyzmeti. </p>
"8 tamyzda Astana-Atyraý baǵyty boıynsha KS 983 reısin oryndaýǵa josparlanǵan ushaq qatty jel kezinde elordalyq áýejaıda konteınerdiń soqqysynan zaqymdanǵan. Ushaqty aýystyrýǵa baılanysty reıs ázirshe 2 saǵatqa keshiktirildi" delingen habarlamada.
Astana qalasynyń áýejaı aýmaǵynda burshaq jaýyp, kólikterdiń terezesi shytynap, keıbiriniń aldyńǵy terezesi synyp ketti.
Burshaq shamamen saǵat 17:50-18:00 shamasynda jaýdy. Halyqaralyq áýejaı mańyndaǵy kólikter bir sátke qozǵalysty toqtatyp, jol jıegine tizilip qaldy.