Elordada jyldyń alǵashqy úsh aıynda 72 kólik órtendi

NUR-SULTAN. QazAqparat – Elordada jalǵa beriletin páterlerden órt jıi shyǵady. Bul týraly Nur-Sultan qalalyq Tótenshe jaǵdaılar departamenti Memlekettik órt baqylaý basqarmasynyń bastyǵy Erkin Otarǵalymuly aıtty, dep habarlaıdy QazAqparat tilshisi.

«Jeke turǵyn úılerde oryn alǵan órtterdiń 42,5 paıyzy, ıaǵnı jartysyna jýyǵy jaldamaly páterlerde, jaldamaly úı-jaılarda tirkelgen. Bul óz kezeginde jalǵa alýshynyń turyp jatqan páteriniń órt qaýipsizdigi jaǵdaıyna nemquraıly qaraıtyndyǵyn kórsetip otyr. Demek, jalǵa alýshy jalǵa alynǵan turǵyn úıdiń órt qaýipsizdigi jaǵdaıyn retke keltirýge múddeli emes ekendigin bildiredi», - dedi ol elorda ákimdiginde ótken baspasóz máslıhatynda.

Basqarma basshysynyń aıtýynsha, 2021 jyldyń 1-toqsanynda elordada 72 kólik órti tirkelgen. Onyń 69-ynda órttiń shyǵýyna elektr symdarynyń qysqa tuıyqtalýy sebep bolǵan.

«Sonymen qatar órtke oranǵan tehnıkalyq quraldardyń 68-i - 10 jyldan bastam ýaqyt boıy paıdalanyp kele jatqan kólikter. Mundaı kólikter jyl saıyn tehnıkalyq tekserýden ótýi tıis. Sondyqtan tehnıkalyq tekserýden ótkizgen kezde kóliktiń elektr symdarynyń qaýipsiz ekendigine kóz jetkizińizder», - dedi Erkin Otarǵalymuly.