Elordada jyl basynan beri 93 egiz jáne 3 úshem dúnıege keldi
09:54, 30 Shilde 2020
NUR-SULTAN. QazAqpart – Elordada alty aıda 14 012 bala dúnıege keldi, dep habarlaıdy elorda ákimdiginiń saıty.
Alty aı ishinde Nur-Sultan qalasy boıynsha barlyǵy 14 012 bala dúnıege keldi, dedi qalalyq qoǵamdyq densaýlyq saqtaý basqarmasy basshysynyń ana men bala densaýlyǵyn qorǵaý jónindegi orynbasary mindetin atqarýshy Tatıana Bıshoraeva.
Qyzyq derek: bala týý kórsetkishiniń tómendigine qaramastan, atalǵan kezeńde elordada egizder men úshemder kóp dúnıege kelgen. Jyl basynan beri Nur-Sultan perzenthanalarynda 93 egiz (ótken jyly atalǵan ýaqyt boıynsha – 77) jáne 3 úshem (2019 jyly 1) dúnıege keldi. Kún saıyn elordada 60-tan 110-ǵa deıin bala dúnıege keledi.