Elordada jyl basynan beri 200 kelige jýyq esirtki tárkilendi

NUR-SULTAN. QazAqparat – Bıyl 6 aıdyń ishinde Nur-Sultan qalasynda eskirtkimen baılanysty 393 qylmys tirkelgen, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.

«Bıyl elordada 6 aıdyń ishinde 393 esirtki qylmysy anyqtaldy. Zańsyz aınalymnan 189,5 keli ártúrli esirtki tárkilendi. Sondaı-aq, jyl basynan beri 4 esirtki zerthanasy anyqtalyp, jumysy toqtatyldy. Ustalǵandar sıntetıkalyq esirtkini úı jaǵdaıynda daıyndap, ony ınternet arqyly satqan. Nátıjesinde 31,7 keliden astam sıntetıkalyq esirtki men ony daıyndaý úshin qoldanylatyn 150 lıtr prekýrsor tárkilendi», - deıdi polıtsııa departamentinen.

Odan bólek, jyl basynan beri elorda aýmaǵynda esirtkini jarnamalaǵan nemese satqan 66 saıt buǵattalǵan.

«Arnaıy operatsııa kezinde elorda aýmaǵyna esirtki quraldaryn jetkizýmen jáne ótkizýmen aınalysqan uıymdasqan qylmystyq top quryqtaldy. Osylaısha qylmystyq topty uıymdastyrýshy jáne 5 esirtki tasymaldaýshy ustaldy. Sonymen qatar operatsııa barysynda zańsyz aınalymnan 37 keliden astam «gashısh» tabyldy», - delingen habarlamada.

Aıta ketsek, Nur-Sultan qalasynyń polıtsııa departamenti 2022 jyldyń birinshi jartyjyldyǵyndaǵy jedel-qyzmettik jumysyn qorytyndylady.