Elordada «Jyl basy - Naýryz» atty merekelik is-shara ótýde
Shara barysynda teatrlandyrylǵan kórinis, merekelik qoıylymdar, óner maıtalmandary daıyndaǵan kontserttik baǵdarlama, ata-babadan jetken halqymyzdyń tamasha joralǵylary men dástúrleri, qyz-kelinshekterimizdiń túrli tústi ónerleri jáne ulttyq sporttyq oıyndar ótkizilýde.
Naýryzdy tamashalaýǵa kelgen qonaqtar ulttyq oıyndarda baq synasyp, ár túrli baıqaýlarǵa qatysýda. Atap aıtar bolsaq, «Naýryzym - nurly yrysym» naýryz kójeler baıqaýy, «Jarqyraǵan jas nurly, jasa, Naýryz dástúrli» atty eń tátti samaýryn shaıy, «Kıim piri - Kımeshek» ulttyq kıimdi naqyshtaıtyn ájeler baıqaýy, «Burymdy qyz» baıqaýy , «Tórlet, áz - Naýryz!» aqyndar saıysy, «As atasy - Nan» atty eń tátti baýyrsaqtar saıysy, «Atalar sózi - aqyldyń kózi» mektep oqýshylary arasynda maqal-mátelder jarysy, úı sharýalaryna shıraq qaraıtyn jas kelinderge jáne t.b. taqyryptarda qyzyqty saıystar uıymdastyrýda. Baıqaý jeńimpazdary túrli syılyqtar men marapttaýlarǵa ıe bolady.