Elordada jumyssyzdar sany ulǵaıýy múmkin

NUR-SULTAN. QazAqparat - Elordada jumyssyzdar sany 6% ósýi múmkin. Bul týraly elorda turǵyndaryn jumyspen qamtý máselesi taqyrybynda ótken onlaın baspasóz konferentsııasynda aıtyldy, dep habarlaıdy QazAqparat tilshisi.

«Karantın bastalǵaly jumysynan aıyrylyp qalǵandar sany aıtarlyqtaı ósti. Búgingi tańda elordadaǵy jumyssyzdar deńgeıi 4,6%. Bul kórsetkish 6%-ǵa deıin ósedi dep kútilýde. 83 jumys berýshi bizge 867 adam jumysynan qysqarýy múmkin ekenin aıtty. Onyń ishinde 276 adamdy jumystan qysqartýǵa týra kelgen», - deıdi «Nur-Sultan qalasy ákimdiginiń Halyqty jumyspen qamtý ortalyǵy» KMM jumysqa ornalasýǵa járdemdesý bóliminiń jetekshisi Azamat Baıtasov.

Sondaı-aq, ol jumysynan aıyrylyp qalǵan azamattarǵa áleýmettik tólem alýǵa bolatynyn jetkizdi.

«Áleýmettik tólem alý úshin qajetti qujattardy rettep, Halyqty jumyspen qamtý ortalyǵyna barý kerek», - deıdi ol.