Elordada jumyspen qamtý ortalyǵyna 8 myńnan astam adam júgindi

ASTANA. QazAqparat - Jumyspen qamtý ortalyǵyna 8 487 adam júgindi. Olardyń 4 233 adamy turaqty jumys oryndaryna, 1 244 adam qoǵamdyq jumystarǵa jiberildi. Sondaı-aq, 623 adam kásiptik oqytýdan ótip jatyr, 435 túlek jastar praktıkasyna qatysýda, 105 jumyssyz azamat áleýmettik jumystarǵa ornalastyryldy, dep habarlady qala ákiminiń resmı saıty.

Munymen qosa, jyl basynan beri 9 bos oryndar jármeńkesi, sonyń ishinde múmkindigi shekteýli adamdar úshin, áıelder men jastar jáne arnaıy bilim berý salasyna da qatysty jármeńkeler ótkizildi. Jumyspen qamtý ortalyǵy jumys berýshilerdi «Halyqty jumyspen qamtý týraly» QR Zańynyń normalary men erejelerin saqtaý týraly aqparattandyrdy.

Sonymen qatar, «Jumyspen qamtý jol kartasy - 2020» baǵdarlamasy týraly elorda turǵyndaryn habardar etýmen aınalysatyn mobıldi top jumys isteıdi. Elorda turǵyndary eńbek naryǵyndaǵy jaǵdaı men kadrlarǵa suranys jaıly tolyq aqparat ala alady.

Buryn habarlanǵandaı, ústimizdegi jyldyń ekinshi toqsanynyń qorytyndysy boıynsha elordamyzda elimizdiń basqa aýmaqtarymen salystyrǵanda jumyssyzdyq deńgeıi tómen bolyp, 4,7%-dy qurady. Sonymen qatar, qolǵa alynǵan sharalardyn nátıjesinde áıelder jumyssyzdyǵy 1,6 paıyzǵa (6,3%-dan 4,7%-ǵa ) jáne jastar jumyssyzdyǵy 0,4 paıyzǵa (5,6% -dan 5,2%-ǵa) tómendegen.