Elordada JRVI-men syrqattanǵandar sany artty

<p>ASTANA. KAZINFORM &ndash; Keıingi aptada elordada jiti respıratorlyq vırýstyq ınfektsııalardyń 7 100 jaǵdaıy tirkeldi. Ótken jyldyń sáıkes kezeńimen salystyrǵanda syrqattanýshylyqtyń 19,5 paıyzǵa nemese 1,2 esege artqany baıqalady. Bul týraly kommýnıkatsııalar qyzmetinde ótken brıfıngide Astana qalasy sanıtarlyq-epıdemıologııalyq baqylaý departamenti basshysynyń orynbasary Janna Prálıeva aıtty, dep habarlaıdy qalalyq ákimdiktiń resmı saıty.&nbsp;</p>

Spıkerdiń málimetinshe, Astanada qalanyń 8 medıtsınalyq uıymynyń bazasynda tumaýdy baqylaýshy epıdemıologııalyq jáne zerthanalyq qadaǵalaý qamtamasyz etiledi. Olar bir jyl ishinde tumaýǵa uqsas naýqastardan iriktep synama alady. Al oń nátıjeler vırýstardy genetıkalyq zertteýden ótkiziledi. Bul maqsatty toptardaǵy epıdemıologııalyq jaǵdaıdy baǵalaýǵa jáne jalpy popýlıatsııa týraly túsinik qalyptastyrýǵa múmkindik beredi.

«Zerthanalyq zertteýlerdiń nátıjeleri boıynsha 37 aptada tumaý vırýsy men COVID-19 vırýsymen aýyrǵandar tabylmady, 4 tıpti paragrıpp - 2, mıkst ınfektsııa – 42 sııaqty tumaýǵa jatpaıtyn vırýstar anyqtaldy. Táýekel tobyndaǵy JRVI-men aýyrǵandardyń arasynda 2,4% nemese 173 júkti áıel, 52,2% nemese 14 jasqa deıingi 3709 bala jáne 1 jasqa deıingi balalar arasynda 3,6% nemese 255 jaǵdaı boldy», - dep habarlady Prálıeva.

Foto: Astana ákimdigi

2024 jyldyń 18 qyrkúıeginen bastap qala turǵyndary arasynda epıdemıologııalyq aıǵaqtar boıynsha, onyń ishinde medıtsına qyzmetkerleri, dıspanserlik esepte turǵan balalar, balalar úıleriniń balalary, qarttar úıleriniń kontıngenti jáne epıdemıologııalyq aıǵaqtar boıynsha, júktiliktiń ekinshi nemese úshinshi trımestrinde júkti bolǵan adamdar, júrek-tamyr júıesi men tynys alý organdarynyń sozylmaly aýrýlary, jabyq mekemeler kontıngenti, mektep oqýshylary jáne basqa toptar arasynda tumaýǵa qarsy ımmýnızatsııalaý naýqany bastaldy.

«Jergilikti bıýdjet qarajaty esebinen ekpeler MSAK-tyń 44 medıtsınalyq uıymynda (15 emhana, otbasylyq ambýlatorııa, otbasy densaýlyǵy ortalyǵy, JShS) júrgiziletin bolady. Ýaqtyly vaktsınatsııa tumaýdyń aýyr asqynýlarynyń aldyn alýdyń nemese azaıtýdyń eń jaqsy ádisi ekenin eskerińiz. Vaktsınatsııa nátıjesinde alynǵan ımmýnıtet aýrýdan senimdi qorǵaıdy. Maýsymdyq tumaýǵa qarsy jyl saıynǵy vaktsınatsııalardy júrgizý barlyq jas toptarynda aýrýshańdyq pen ólimdi aıtarlyqtaı tómendetedi. Tumaý vırýsy jyl saıyn mýtatsııaǵa ushyraıdy, sondyqtan tumaýǵa qarsy vaktsınany jyl saıyn epıdemııaǵa deıingi maýsymda (qazan-qarasha) tek osy jylǵy vaktsınamen alý kerek. Vaktsınatsııadan keıin ımmýnıtet 14 kúnnen keıin qalyptasady jáne maýsym boıy - 1 jylǵa deıin saqtalady», - dep túsindirdi spıker. 

Ol qala turǵyndaryna jeke qorǵanys sharalaryn eske saldy:

- qoldy únemi jýý;

- tynys alý gıgıenasy erejelerin saqtaý (jótelgende nemese túshkirgende aýyz ben muryndy jabý);

- JRVI-ge uqsas belgiler paıda bolǵan kezde (temperatýra, álsizdik, qyzý jáne basqalar) naýqas vırýstyń odan ári taralýyn boldyrmaý úshin basqa adamdarmen baılanysty dereý shekteýi kerek;

- JRVI jáne tumaý belgileri bar adamdarmen tyǵyz baılanysta bolýdan aýlaq bolyńyz;

- qoǵamdyq oryndarda (emhanalarda, statsıonarlarda jáne basqa jerlerde) betperde kııý.