Elordada joq páterdi jalǵa berýmen aınalysqan alaıaq ustaldy

<p>ASTANA. KAZINFORM &ndash; Elordada polıtseıler jalǵan páterdi jalǵa berýmen aınalysqan alaıaqty áshkereledi. Esil aýdany PB krımınaldyq polıtsııa qyzmetkerleri jedel-izdestirý is-sharalaryn ótkizý barysynda astanalyqtardy aldap ketken 41 jastaǵy qala turǵynyn anyqtady. Bul týraly Polisia.kz. jazdy.</p>

Tergeý barysynda er adamnyń Krisha.kz saıtyna naryq qunynan tómen baǵada elordada joq páterlerdi jalǵa berý týraly habarlandyrýlar jarııalaǵany anyqtaldy.

«Ol shuǵyl jáne páter jaldaýǵa nıet bildirgenderdiń kóptigin syltaýratyp, jábirlenýshilerden 90-100 myń teńge aralyǵynda aldyn ala tólemdi aýdarýdy suraǵany belgili boldy. Búgingi kúni alaıaqtyń arbaýyna tap bolǵan 4 astanalyq polıtsııaǵa júgingen», — delingen habarlamada. 

Solardyń biri, 21 jastaǵy elorda turǵyny kúdiktiniń jalǵa páter berem degen syltaýyna senip, 100 myń teńge kólemindegi aqshalaı qarajatyn bergen. Atalǵan fakti boıynsha qylmystyq is qozǵaldy. Qazirgi kezde basqa da zardap shekkender anyqtalyp jatyr.