Elordada jylyna 35 myńǵa deıin sábı dúnıege keledi

<p>ASTANA. KAZINFORM &ndash; Elordada 50 myńǵa jýyq otbasy páter kezeginde tur. Bul týraly &laquo;Jibek joly&raquo; telearnasyndaǵy &laquo;Ýáde&raquo; baǵdarlamasyna suhbat bergen Astana qalasynyń ákimi Jeńis Qasymbek aıtty.</p>

- Qala kúnde ózgerip jatyr. Eń basty másele – bul qalada turatyn turǵyndardyń sany. Kúnde ósip jatyr. Mysaly, byltyrmen salystyrǵanda bıyl 1,5 mln adam elordada turatyndyǵy jaıly resmı aqparat shyqty. 1,5 mln adam – bul resmı tirkelip, qalada turatyndar. Al kúndelikti mıgratsııany sanasaq, qosymsha 200 myń adam bar. Sodan keıin qurylys qyzatyn jaz mezgilinde tirkelmeı jumys isteıtin azamattardy sanaǵanda qalada 1 mln 700 myń, 1 mln 800 myń adamǵa jetedi. Bul qala aldyna erekshe talaptardy qoıady, - dedi suhbat barysynda qala basshysy.

Onyń atap ótýinshe, osy jyldyń basynda Astananyń 2035 jylǵa deıingi bas jospary ázirlendi. Bul qujat aldaǵy 10 jyldyń ishinde elorda turǵyndary qosymsha 1 mln adamǵa artatyndyǵy eskerile otyryp ázirlengen. Mejeli jylda elordalyqtardyń sany 2,5 mln adamǵa jetpek. Munan bólek, «Astananyń mártebesi týraly» zań jobasy Parlament qaraýynda jatyr. Jospar boıynsha jyl sońyna deıin Parlamentten shyǵyp, Prezıdent Ákimshiligine barýy tıis.

«Búginde elordada 50 myńǵa jýyq otbasy páter kezeginde tur. Olardyń qatarynda kópbalaly otbasylar, jetim balalar, múgedekter, zeınetke shyqqan adamdar bar. Osy máseleni sheshý úshin «Otbasy» bankpen jumys júrgizilip jatyr. Osy bankpen atalǵan sanattaǵy adamdarǵa kómek kórsetýge múmkindik ashyldy», - dedi ol.

Osyǵan deıin elorda halqynyń sany 1,5 mln-nan asqany týraly jazdyq.