Elordada taǵy bir jıhaz tsehy órtendi

<p>ASTANA. KAZINFORM &mdash; Astanada jıhaz tsehynan órt shyqty. Bul týraly Tótenshe jaǵdaılar mınıstrliginiń baspasóz qyzmetinen málim etti.</p>

Qalalyq Tótenshe jaǵdaılar departamentiniń málimeti boıynsha oqıǵa tańǵy 8:44-te bolǵan. 

Foto: TJM

«TJD órt sóndirý bólimsheleri Kóktal k., boıynsha joǵary dárejede shaqyryldy. Dereý elordalyq órt sóndirýshiler órtti sóndirýge kiristi. Jergilikti jerde órt sóndirý shtaby uıymdastyrylǵan. Aldyn ala aýdany – 500 sh.m.», - dep habarlady departamentten.

Órt sóndirýge TJD jeke quramnan 54 adam jáne 12 birlik tehnıka, Apattar medıtsınasy ortalyǵynyń 3 adamy men 1 tehnıkasy jumyldyryldy.

Aıta ketsek, 17 aqpan kúni Astanada jıhaz jasaıtyn tseh órtengen bolatyn.