Elordada JEO-2 jańǵyrtý onyń qýatyn arttyrýǵa múmkindik beredi

NUR-SULTAN. QazAqparat - JEO-2 keńeıtý aıasynda №6 týrboagregatynyń qurylysy men № 8 qazandyq agregatyn montajdaý jaıymen elorda ákimi Altaı Kólginov tanysty, dep habarlaıdy QazAqparat qala ákimdiginiń saıtyna silteme jasap.

JEO-1 jáne JEO-2 elordanyń strategııalyq obektisi, ortalyqtar 2,5 myńnan astam turǵyn úıdi jylytady. Jylý kontýry boıynsha jumystar tolyq kólemde oryndaldy, qazandyqty montajdaý 80%-ǵa júrgizildi. Qazirgi ýaqytta týrbınany konservatsııalaý jumystary jalǵasýda.

JEO-2 keńeıtý boıynsha júrgiziletin jumystar jylý qýatyn keminde 10 paıyzǵa, elektr qýatyn óndirýdi 30 paıyzǵa arttyrýǵa múmkindik beredi. Qala ákimi A. Kólginov jumys qarqynyn jedeldetý qajet ekenin eskertip, «kelesi jylytý maýsymy bastalǵanǵa deıin jumystar tolyq aıaqtalýy tıis» dep atap ótti.