Elordada jemqorlyq qylmysy úshin segiz memlekettik qyzmetkerdi jumystan bosatý usynyldy

ASTANA. QazAqparat - Búgin «Nur Otan» partııasynyń Astana qalalyq fılıaly tóraǵasynyń birinshi orynbasary Sapar Ahmetov qalalyq Saıası keńesiniń keńeıtilgen otyrysynda elordalyq memlekettik qyzmetkerlerdiń arasyndaǵy jemqorlyq statıstıkasyn jarııa etti.

S. Ahmetovtyń aıtýynsha, Astanada 2013 jylda jáne bıylǵy birinshi jartyjyldyqta jemqorlyq qylmystary faktileri boıynsha 49 qylmystyq is qozǵaldy. Sybaılas jemqorlyq faktisi úshin ákimshilik jaýapkershilikke alty adam tartyldy.

Belgili bolǵandaı, revızııalyq komıssııanyń materıaldary boıynsha Astanada 2014 jyldyń birinshi jartyjyldyǵynda QR Memlekettik qyzmet isteri jáne sybaılas jemqorlyqqa qarsy is-qımyl agenttigine qylmystyq is qozǵaý týraly sheshim úshin laýazymdy tulǵalarǵa qatysty segiz materıal baǵyttalǵan.

«Agenttiktiń elordalyq tártiptik keńesi tarapynan jaǵymsyz sebepter boıynsha segiz memlekettik qyzmetkerdi jumysynan bosatý usynysy jasaldy. Fılıaldyń partııalyq uıymdary osy quqyq buzýshylaqtarǵa ustanymdy baǵa berdi. Bastapqy partııalyq uıymdar bıýrosy, fılıal Saıası keńesi bıýrosy sheshimderimen jemqorlyq qylmystary úshin jeti adam partııa qatarynan shyǵaryldy, onyń ishinde Bilim jáne ǵylym vıtse-mınıstri, Aýyl sharýashylyǵy mınıstrligi departamentiniń dırektory bar», - dedi S. Ahmetov.