Elordada «jeltoqsandyqtar» áleýmettik kómek alyp turady

NUR-SULTAN. QazAqparat – Elordada 1986 jylǵy jeltoqsan oqıǵasyna qatysýshylarǵa áleýmettik kómek kórsetiletin bolady. Bul jaıynda qalalyq Jumyspen qamtý jáne áleýmettik qorǵaý basqarmasy basshysynyń orynbasary Baqtııar Garıfýllın aıtty, dep habarlaıdy QazAqparat tilshisi.

«Búginde «jeltoqsandyqtar» qalalyq máslıhat sheshimine sáıkes áleýmettik kómek alý múmkindikteri joq ekendigine qatysty máseleni kóterip júr. Biz «múgedektigi bar» jáne «zeınetker» degen túsinikti alyp tastaımyz. Osylaısha, Nur-Sultan qalasy aýmaǵynda tirkelgen qoǵamnyń qataryndaǵy shamamen 30 adam jergilikti bıýdjetten áleýmettik kómek alatyn bolady», - dedi ol qalalyq Qoǵamdyq keńes otyrysynda.

Onyń atap ótýinshe, atalǵan is-shara júzege asqan jaǵdaıda «jeltoqsandyqtarǵa» shıpajaıda emdelýge, kommýnaldyq qyzmet, telefonnyń abonenttik tólem shyǵyndaryna ótemaqy alady.

«Tólemaqy mólsheri 2,4 aılyq eseptik kórsetkish (7000 teńge) mólsherinde boljanady. Osy jylǵa qalalyq bıýdjetten 15,8 mln teńge qajet bolady», - dedi Baqtııar Garıfýllın.

Eske salaıyq, Semeı polıgonynan zardap shekken elorda turǵyndaryna da qarjylaı kómek kórsetý josparlanyp otyr.