Elordada jeke úıden shyqqan órt tolyqtaı sóndirildi
17:35, 27 Shilde 2023
ASTANA. QazAqparat - Elordalyq órt sóndirýshiler elordanyń oń jaǵalaýyndaǵy órtti tolyqtaı sóndirdi, dep habarlaıdy QR TJM baspasóz qyzmeti.
27 shildede 14:11-de Astana qalasy Er Qosaı kóshesindegi jeke úıdiń aýlasynda turǵan janǵysh suıyqtyq — benzın quıylǵan segiz bóshke órtengen. Qyzyl jalyn eki qabatty kottedjdiń shatyry men jeke turǵyn úıdiń shatyryna ótken.
Kottedj shatyrynyń janý aýmaǵy 300 sharshy metrdi, jataqhana shatyrynyń janý aýmaǵy 500 sharshy metrdi qurady. Órt saǵat 15:47-de tolyqtaı sóndirildi.
Órtti sóndirýge Astana qalasy TJD jeke quramynyń 74 adamy jáne 14 birlik tehnıkasy jumyldyryldy. Qaza bolǵandar men zardap shekkender joq.