Elordada jeke sot oryndaýshylary 27 múgedek jannyń shotyn zańsyz buǵattap, járdemaqysynan aıyrǵan

<p>ASTANA. KAZINFORM - Elordada jeke sot oryndaýshylar múgedekterdiń tólemderin zańsyz buǵattap, olardy járdemaqylarynan aıyrǵan, dep habarlaıdy Astana qalasy prokýratýrasynyń baspasóz qyzmeti.&nbsp;</p>

Astana qalasynyń prokýratýrasy jeke sot oryndaýshylary múgedek retinde áleýmettik járdemaqy alýshy 27 boryshkerdiń bank shottaryna tyıym salǵanyn anyqtady.

Qazaqstan Respýblıkasynyń «Tólemder jáne tólem júıeleri týraly» Zańyna sáıkes, memlekettik bıýdjetten jáne (nemese) memlekettik áleýmettik saqtandyrý qorynan tólenetin járdemaqylar men áleýmettik tólemderdi esepke alýǵa arnalǵan bank shottaryna tyıym salýǵa bolmaıdy.

Prokýrorlyq qadaǵalaý aktisi negizinde jarty mıllıon teńge qarajat qaıtarylyp, bank shottary qaıta ashylyp, 27 tulǵanyń 1,2 mln. teńge qarajatqa qol jetkizýine múmkindik jasaldy.

Qazirgi ýaqytta qala prokýratýrasy ýákiletti organmen birlesip, normatıvtik quqyqtyq aktilerge tıisti ózgerister engizý máselesin qarastyrýda.