Elordada jaıaý júrginshi jolynda úlken oıyq paıda boldy

NUR-SULTAN. QazAqparat – Elordada jaıaý júrginshi jolynda úlken oıyq paıda bolǵany túsirilgen vıdeo áleýmettik jelide tarady. Osyǵan oraı «Astana sý arnasy» MKK baspasóz qyzmeti mán-jaıdy túsindirdi, dep habarlaıdy QazAqparat tilshisi.

Kommýnaldyq kásiporyn málimetinshe, keshe saǵat 17:08-de Táýelsizdik pen Qajymuqan Muńaıtpasov kósheleriniń qıylysynda, joldyń jaıaý júrginshi bóliginde ornalasqan dıametri 800 mm-lik káriz kollektorynda shuńqyr paıda bolǵan.

«Shuńqyr kólik qozǵalysyna kedergi keltirmeıdi jáne taıaý mańdaǵy úılerdi sýmen jabdyqtaý júıesinen ajyratý josparlanyp otyrǵan joq. Qazirgi ýaqytta «Astana sý arnasy» kásiporynynyń apattyq brıgadasy kollektordy jáne joldyń jaıaý júrginshi bóliginiń jabyndysyn qalpyna keltirý jumystaryn júrgizip jatyr. Oryn alǵan ýaqytsha qolaısyzdyqtar úshin keshirim suraımyz», - dedi «Astana sý arnasynan».