Elordada jataqhanadan órt shyǵyp, bes adam ýlanyp qaldy

<p>ASTANA. KAZINFORM - Búgin tańda Baıqońyr aýdany Taraz kóshesinde ornalasqan jataqhanalardyń birinde bólmeler men ǵımarattyń shatyry jandy, dep habarlaıdy QR Tótenshe jaǵdaılar mınıstrliginiń baspasóz qyzmeti.</p>

Órt sóndirý bólimsheleri oqıǵa ornyna kelgen kezde shatyr men 3 jáne 4-qabattaǵy bólmeler janyp jatty. TJM kúshteri baspaldaqtyń kómegimen 3-qabattan 6 adamdy qutqardy. Aldyn ala málimetter boıynsha tútinnen ýlanǵan 5 adam jedel medıtsınalyq járdem qyzmetkerlerine tapsyryldy.

«Órtti sóndirý jumystaryn ǵımarattyń jan jaǵyndaǵy ótetin joldarda avtokólikterdiń turýy qıyndatty. Órt 850 sharshy metr alańda sóndirildi. Órttiń sebebi anyqtalýda», - delingen habarlamada.