Elordada «jasyl» mártebe beriletinder qatary artady

NUR-SULTAN. QazAqparat – Nur-Sultan qalasynyń bas memlekettik sanıtarlyq dárigeri Sarhat Beısenova Ashyq júıesinde «kók» mártebesi bar turǵyndardyń demalys kúni mekemelerge kirýi týraly pikir bildirdi, dep habarlaıdy QazAqparat.

«Kók» mártebege kelsek, baǵdarlama áli ıntegratsııalanǵan joq. Ýchaskelik dárigerden vaktsınaǵa qarsy kórsetilim týraly anyqtama bolǵan jaǵdaıda, «kók» mártebesi bar adam demalys kúnderi osy anyqtamany ózi kirgisi kelgen mekemeniń ákimshiligine kórsetýi kerek. Sonda qalaǵan mekemege barýǵa tolyq quqyǵy bar. Al ıntegratsııalyq jumystar medıtsınalyq anyqtama bolǵan jaǵdaıda «kók» mártebe emes, «jasyl» mártebe shyǵýy úshin júrgizilip jatyr», - dedi S. Beısenova Ortalyq kommýnıkatsııalar qyzmetinde ótken baspasóz máslıhatynda.

Esterińizge sala keteıik, mekemege barǵan kezde turǵyndarda medıtsınalyq anyqtama bolýy kerek.