Elordada jastarǵa keńes berý kúni ótedi
Erteń Nur-Sultan qalasy ákimdiginiń «Astana jastary» KMM, jergilikti atqarýshy organdar ókilderiniń qatysýymen jastarǵa konsýltatsııalyq kómek kórsetýge baǵyttalǵan shara ótedi.
«Atalmysh shara «Astanalyq» saýda kesheninde saǵat 11.00-de bastalady. Árbir azamat óziniń qalaǵan suraǵymen «Nur-Sultan qalasynyń qoǵamdyq densaýlyq saqtaý basqarmasy», «Azamattarǵa arnalǵan úkimet» memlekettik korporatsııasy», «Jumyspen qamtý ortalyǵy», «Medıatsııany damytý ortalyǵy» jáne basqa da mekemelerdiń ókilderine jolyǵa alady. Sonymen qatar kásibı zańger men psıholog mamany konsýltatsııalar júrgizedi», delingen habarlamada.
Sharanyń maqsaty – jastardy qazirgi ýaqytta júzege asyrylyp jatqan jáne jas qazaqstandyqtarǵa baǵyttalǵan memlekettik baǵdarlamalarmen tanystyrý jáne qala turǵyndaryna jeke suraqtar boıynsha konsýltatsııalyq kómek berý.