Elordada «Jastar tájirıbesi» baǵdarlamasy iske qosyldy

NUR-SULTAN. QazAqparat - Elordada «Jastar tájirıbesi» baǵdarlamasy jumys jasap jatyr. Bul baǵdarlamaǵa alǵan mamandyǵy boıynsha jumys tájirıbesi joq 29 jastan aspaǵan azamattar qatysa alady, dep habarlaıdy QazAqparat tilshisi.

«Qysqa merzimdi kásiptik oqytý baǵdarlamasy negizinde kýrsymyz jumys berýshilerdiń usynysy arqyly uıymdastyrylady. Jastar tájirıbesi alǵan mamandyǵy boıynsha bastapqy jumys tájirıbesin alýǵa arnalǵan. Oqý - tegin. Oqý barysynda memleket tarapynan 16 759 teńge shákirtaqy tólenedi. Uzaqtyǵy 6 aıdan aspaıdy. Oqý aıaqtalǵannan keıin jumyssyz azamattar jumys berýshige turaqty jumysqa ornalastyrylady», - deıdi «Nur-Sultan qalasy ákimdiginiń Halyqty jumyspen qamtý ortalyǵy» KMM jumysqa ornalasýǵa járdemdesý bóliminiń jetekshisi Azamat Baıtasov onlaın ótken baspasóz konferentsııada.

Onyń aıtýynsha, atalǵan kýrs 3 aı bolǵanmen, jartysynda teorııa júzinde bolsa, qalǵan bóliginde jumys berýshige baryp úırenedi.

«Jastar tájirıbesi» dep atalatyn taǵy bir baǵdarlama bar. Bul baǵdarlamaǵa oqýdy dıplom alǵan kúnnen bastap 3 jyldan kesh emes aıaqtaǵandar jáne alǵan mamandyǵy boıynsha jumys tájirıbesi joq 29 jastan aspaǵan jumyssyzdar qatysa alady.

«Qazirgi ýaqytta osy baǵdarlama boıynsha 900 azamatty jumysqa ornalastyrýymyz qajet. 200-den astam jas túlek jumysqa ornalastyryldy. Bul baǵdarlama 6 aıǵa qarastyrylǵan. 6 aı ishinde jalaqyny memleket tóleıdi», - deıdi ol.